Oinarri juridikoak

Gelan birziklatutako maskoten II. lehiaketa

Partaidetza

Lehiaketa Foru Komunitateko ikastetxe guztietako Lehen Hezkuntzako ikasgela guztientzat izango da, eta 3 kategoriatan banatuko da, maila/adinaren arabera, lehenengo kategorian (1. eta 2. mailak) Bigarren kategorian ( 3. eta 4. mailak) eta Hirugarren kategorian (5.eta 6. mailak) eta ikasgela irabazle bat egongo da kategoria bakoitzeko (3 irabazle osotara)

Parte hartzeko baldintzak

Sorkuntzak material birziklatua izan behar du ardatz, eta kontuan hartuko dira ikasgelaren parte-hartzea, sorkuntzaren originaltasuna, erabilitako material birziklatuen elementu kopurua eta proposatutako sorkuntzaren izena. Tamaina 0,80 eta 1,5 m bitartekoa izatea gomendatzen da.

Egutegia

• Izena emateko azken eguna: 2024ko otsailaren 16a, ostirala.
• Maskota sortzeko argazkiak bidaltzeko azken eguna: apirilaren 30a, asteartea.
• 2024ko maiatzaren 6an www.noticiasdenavarra.com web gunean jakinaraziko dira kategoria bakoitzeko 5 maskota finalistak (epaimahaiak hautatuak) eta 2024ko maiatzaren 6atik 13ra bozketa egingo da, kategoria bakoitzeko maskota irabazlea aukeratzeko.
• 2024ko maiatzaren 17an (Birziklapenaren Nazioarteko Eguna), 3 maskota/ikasgela irabazleak jakinaraziko dira.
• Egun horretatik aurrera, antolakuntzatik irabazleekin harremanetan jarriko gara sariaren banaketa zehazteko, ekitaldi ofizial batean egingo bait dugu 2024ko maiatzaren 27tik 31ra bitarteko astean.
• Sariak emateko prozesua amaitu ondoren ere, DIARIO DE NOTICIAS egunkariak eskubidea du ez-betetzeen kasuan deskalifikatzeko.

Nola izena eman lehiaketan eta nola bidali maskoten argazkiak

Ikastetxe bakoitzak mezu elektroniko bat jasoko du esteka batekin eta esteka horren bitartez ikastetxeari dagokion izena emateko orrira sartu ahal izango da. Parte hartu nahi duten mailak eta ikasgelak lehiaketan eremu guztiak bete beharko dituzte (ikasgela bakoitzeko fitxa bat). Beharrezkoa izango da mezu elektronikoa jasotzen duenak, ikastetxeko Lehen Hezkuntzako ikasgela guztietako tutoreekin partekatzea. Izen emateak bakarka egin daitezke, edo tutore/irakasle berak alta eman dezake nahi haina ikastaro eta klase, baina beti fitxa bat bete beharko da klase bakoitzeko.

Fitxa bidez bete beharreko eremuak:

• Ikastaroa
• Ikasgela
• Eredu linguistikoa
• Tutorea
• Emaila
• Telefono-harremana
• Maskotaren izena

Izena eman ondoren, berrespen mezu elektroniko bat jasoko duzu izena ematean jarritako helbide elektronikora.

Osatutakoan, fitxak berriro editatu daitezke daturen bat aldatu behar izanez gero.

Bidali beharreko argazkiak eta nola igo izen emate orrrira

3 argazki bidali beharko dira:

• Maskota ikasgelaosoarekin egindako argazki bat
• Maskota indibidualaren argazki bat
• Sorkuntza-prozesuaren argazki bat

Oinarri hauetara egokitzen ez den edozein bidalketa automatikoki baztertuko du epaimahaiak.

Ikasgela bakoitzeko argazkiak igotzeko (aldez aurretik izena emanda egon beharko da), izena emateko erabili den estekara sartu behar da berriro (gogorarazle bat bidaliko dugu estekarekin) eta dagokion fitxan ARGAZKIAK IGO botoia agertuko da argazkiak igo ahal izateko eta fitxan maskota horren izena jarri beharko da dagokion eremuan. Argazkiak 10 Mbkoak eta jpg edo png formatukoak izango dira gehienez.

Erregistratzeko edo argazkiak plataformara kargatzeko galdera edo arazoren bat egiteko, mezu elektroniko hau gaitu da: reciclon@gruponoticias.es.

Epaimahaiaren osaera

Epaimahaia Diario de Noticiaseko marketing-saila eta Nafarroako Hondakinen Partzuergoko eta Iruñerriko Mankomunitateko ordezkariek osatuko dute.

Sariak

Ikasgela osoarekin Nafarroako parke tematiko baterako bidaia (Joan-etorriko bidaia eta sarrerak barne), Lehen Hezkuntzako kategoria bakoitzeko irabazleentzat: 1 (1. eta 2.) 2 (3. eta 4.) 3 (5. eta 6)

Datu pertsonalen babesa

DIARIO DE NOTICIAS egunkariak datu pertsonalak behar bezala erabiliko direla bermatzen du, apirilaren 27ko 2016/679 (EB) Erregelamenduaren (GDPR) eta abenduaren 5eko 3/2018 Lege Organikoaren (DBLO) arabera.

Lehiaketan parte hartzeko, erabiltzaileak espresuki baimena eman behar du DIARIO DE NOTICIAS egunkariak emandako datuak erabil ditzan, lehiaketan parte hartu ahal izateko. Lehiaketan parte hartzen dutenek ematen dituzten datu pertsonalak behar bezala eguneraturik eta osorik emanen dira.

Eskubideak lagatzea

Oinarri hauek onartuz, parte-hartzaileak baimena ematen dio DIARIO DE NOTICIAS egunkariari eta lehiaketara bidaltzen dituen irudiak erreproduzitzeko, erabiltzeko eta publikoki zabaltzeko, denbora-mugarik gabe, edozein bitarteko, euskarri edo formatu fisiko, elektroniko edo telematikotan eta edozein sistema, prozedura edo komunikazio-modalitateren bidez, baita sare sozialen bidez zabaltzeko ere Facebook, X (Twitter) eta Instagram. Irudiak sare sozialetan argitaratzeak ez dakar inola ere titulartasuna hirugarrenei lagatzea. Era berean, lehiaketan parte hartzen dutenek noticiasdenavarra.com-i lagatzen dizkiote argazkiak bidaltzearen ondoriozko jabetza intelektual eta irudi eskubide guztiak, eta adierazten dute baimena eta lagapena egiteko ahalmena dutela eta eskubide horiek ez dutela urratzen hirugarren edo arau aplikagarriaren eskubiderik, eta DIARIO DE NOTICIAS egunkariak bermatzen duela eskubide horiek modu baketsuan erabiliko dituela. Lehiaketan parte hartzeko bidaltzen den argazkian hirugarrenen irudiak sartzen badira, parte-hartzaileak honako hau bermatzen du: horretarako behar den baimena, eta irudi-eskubideak lagatzea. DIARIO DE NOTICIAS egunkariak noiznahi eska diezaioke baimen hori. Lehiaketa honetan parte hartuko duten irudiak noticiasdenavarra .com webgunean argitaratu eta zabalduko dira, eta modu mugagabean, eta beste erabiltzaile edo parte-hartzaile batzuekin partekatuko dira, sare sozialen bidez, aurreko lerroaldean ezarritakoaren arabera. Horietako batzuk egunkarian ere erakutsiko dira. Alde horretatik, parte-hartzaileak adierazten du bidalitako irudien gaineko eskubideen titularra dela, edo, hala badagokio, bermatzen du DIARIO DE NOTICIAS egunkariak erabili eta ustiatzeko beharrezkoak diren eskubideak eta baimenak dituela. DIARIO DE NOTICIAS ez da erantzule egingo hirugarrenen jabetza intelektualeko eskubideek babesten dituzten argazkiak erabili, erreproduzitu, banatu edo publikoki jakinarazteagatik sor daitezkeen kalteak, parte arte-hartzaileak ez badu lortu aldez aurretik titularrengandik beharrezko baimena. Kasu horretan, parte-hartzaileak onartzen du arduradun bakarra izango dela irudien gaineko eskubideak dituela alegatzen duen hirugarren batek egindako erreklamazioen aurrean.

Onartzea

Lehiaketan parte hartzeak lehiaketaren eta epaiaren oinarri guztiak onartzea dakar. Edozein irudi oinarri hauetara egokitzen ez bada, besterik gabe baztertu egingo da. Lehiaketa honetan parte hartzen dutenek nahitaez bete beharko dituzte lehiaketaren baldintza berariazkoak eta orokorrak, eta ez betetzeak parte-hartzailea lehiaketatik kanporatzea eta harekiko edozein eskubide galtzea ekarriko du. DIARIO DE NOTICIAS egunkariak noiznahi utz dezake bertan behera lehiaketa, beharrezkotzat jotzen du.

Tratamenduaren amaiera

• Datuak kontserbatzeko irizpideak. Tratamenduaren amaierari eusteko elkarrenganako interesa dagoen bitartean gordeko dira, eta, horretarako beharrezkoa ez denean, datuak pseudonimizatzeko edo erabat suntsitzeko segurtasun-neurri egokiak hartuko dira. Datuak ez zaizkie hirugarrenei jakinaraziko, legez hala behar denean izan ezik.
• Erabiltzailearen eskubideak. Baimena edozein unetan kentzeko eskubidea. Zure datuak ikusteko, zuzentzeko, eramateko eta ezabatzeko eskubidea eta haien tratamendua mugatzea edo aurka egitea. Kontrol-agintaritzari (www.aepd.es) erreklamazioa aurkezteko eskubidea, tratamendua indarrean dagoen araudiarekin bat ez datorrela uste badu.
• Eskubideak erabiltzeko harremanetarako datuak: Posta helbidea: ZEROA MULTIMEDIA, S.A. Pol. Ind. Areta, Altzutzate 10, 31620 Huarte (NAVARRA), Emaila: gdpr@noticiasdenavarra.com